Dyw hi byth yn rhy hwyr: prentisiaethau i oedolion yn Llundain

Gall cyfleoedd prentisiaethau guro ar unrhyw oedran. P’un a ydych yn 16 neu’n 60 oed, gallwch ddilyn rhaglen o ddysgu seiliedig ar waith â chyflogwr, cael eich talu wrth i chi ei wneud a dysgu sgiliau ymarferol a all eich helpu i symud ymlaen yn eich gyrfa newydd.

A all oedolion wneud prentisiaethau?

Nid yw prentisiaethau ar gyfer y rhai sy’n gadael yr ysgol neu bobl ifanc yn unig. Gall unrhyw un o oedran gweithio ddilyn prentisiaeth. Maent ar gyfer unrhyw un sy’n dysgu sgiliau newydd ac yn dilyn rhaglen astudio ffurfiol fel rhan o yrfa sy’n newydd iddynt. Mae llawer o bobl yn ailhyfforddi’n ddiweddarach mewn bywyd ac yn newid eu gyrfaoedd. Yn wir, yn 2021/22, yn ôl ystadegau diweddaraf y llywodraeth, roedd 46% o brentisiaid dros 25 oed.

Mae gwneud cais am swyddi prentisiaeth i oedolion yn Llundain yn hawdd ar Talentview.

A yw'n anoddach i oedolion gael prentisiaethau?

Nac ydy, mae gan bobl o unrhyw oedran gyfle cyfartal i wneud cais am brentisiaeth a bod yn llwyddiannus. Nid oes terfyn oedran uchaf. Yr unig feini prawf yw bod yn rhaid i chi fod dros 16 oed, yn byw yn y DU ac nid mewn addysg llawn amser. Efallai y bydd angen nifer penodol o gymwysterau TGAU neu Lefel A arnoch, yn dibynnu ar lefel y brentisiaeth yr ydych yn gwneud cais amdani.

Pa brentisiaethau sydd ar gael i oedolion yn Llundain?

Mae amrywiaeth enfawr o raglenni prentisiaeth ar gael i oedolion yn Llundain ac ardal Llundain Fwyaf. Y lle gorau i chwilio am swyddi prentisiaeth i oedolion yn Llundain yw Talentview. Os ydych chi’n meddwl na fydd prentisiaeth yn y swydd rydych chi’n ei hystyried, efallai eich bod chi’n anghywir. Gallwch ddilyn prentisiaeth mewn bron unrhyw beth – o beirianneg sifil i blismona, nyrsio i archaeoleg. Os ydych yn ystyried gyrfa ym maes adeiladu, mae cyfleoedd prentisiaeth ar bob lefel, ar gyfer amrywiaeth enfawr o swyddi, o osod brics i bensaernïaeth, sgaffaldio i reoli safle.

Mae adeiladwaith yn cael ei wasanaethu’n arbennig o dda gan brentisiaethau yn ardal Llundain. Er enghraifft, mae tri o gwmnïau adeiladu mwyaf y byd, WSP, Balfour Beatty a BAM Nuttall yn cynnig prentisiaethau gradd yn Llundain.

Sut i ddod o hyd i brentisiaeth i oedolyn

Mae sawl ffordd y gallwch ddod o hyd i gyflogwyr sy’n cynnig cyfleoedd prentisiaeth i oedolion yn y brifddinas. Gallwch ddefnyddio gwefannau megis Talentview, gwneud cais yn uniongyrchol i gyflogwyr, cysylltu â cholegau lleol neu ofyn i ffrindiau neu aelodau o’r teulu a ydynt yn gwybod am brentisiaethau sydd ar gael mewn cwmnïau.

Os ydych yn gwneud cais am brentisiaethau, mae’n syniad da i: 

• Ymchwilio’r sefydliad/cwmni yn llawn ymlaen llaw
• Dysgu hanfodion ysgrifennu llythyr eglurhaol
• Paratoi’n llawn ar gyfer cyfweliadau

A yw prentisiaeth i oedolyn yn addas i chi?

Mae llawer o wahanol fathau o brentisiaethau y gallwch eu gwneud yn Llundain. Mae lefelau prentisiaeth yn amrywio o Ganolradd (Lefel 2) i Uwch/Advanced (Lefel 3), Prentisiaeth Uwch/Higher Apprenticeship (Lefel 4) a Gradd (Lefelau 5-6). Os ydych chi’n ailhyfforddi ar gyfer gyrfa newydd mae’n debyg y bydd rhaglen brentisiaeth Lefel 2 neu 3 yn addas i chi ddysgu sgiliau newydd a chael profiad gwaith. Os oes gennych brofiad o swydd benodol eisoes, efallai y cewch gyfle i astudio mewn prifysgol wrth weithio a chael cyflog gan eich cyflogwr.

Canfod mwy am brentisiaethau adeiladu

Mae cannoedd o brentisiaethau ar gael yn y diwydiant adeiladu. Enillwch wrth ddysgu a magwch y cymwysterau a’r profiad sydd eu hangen arnoch ar gyfer rôl yn y sector adeiladu.

• Dysgwch fwy ar Am Adeiladu