Peiriannydd awyru twnelu

Sut i ddod yn beiriannydd awyru twnelu?

Mae sawl llwybr i ddod yn beiriannydd awyru twnelu. Fel arfer byddai disgwyl i chi feddu ar radd prifysgol, fodd bynnag fe allech chi hefyd gwblhau cwrs coleg neu brentisiaeth. Os oes gennych brofiad peirianneg perthnasol gallech hefyd wneud cais yn uniongyrchol i gyflogwr.

Dylech archwilio'r llwybrau hyn i ddarganfod pa un yw'r un iawn i chi. Er bod gan rai o'r opsiynau hyn ofynion cymhwyster penodol, mae gan lawer o gyflogwyr fwy o ddiddordeb mewn pobl sy'n frwdfrydig, yn barod i ddysgu ac yn gallu dilyn cyfarwyddiadau.

Efallai y bydd angen Cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Gallech gwblhau gradd israddedig i ddod yn beiriannydd awyru twnelu.

I astudio ar gyfer gradd israddedig fel arfer bydd angen 2 - 3 chymhwyster Safon Uwch, neu gyfwerth.

Darganfyddwch beth yw’r gofynion mynediad lle rydych chi’n byw.

• Egluro gofynion mynediad cyfatebol
• Canfod cwrs prifysgol
• Cyngor ariannu

Coleg/Darparwr Hyfforddiant

Gallech astudio am dystysgrif genedlaethol uwch (HNC) mewn peirianneg fecanyddol i'ch helpu i ddod yn beiriannydd awyru twnelu.

Bydd angen:

• 4 - 5 TGAU graddau 9 i 4 (A* i C), neu gyfwerth
• 2 - 3 lefel A, neu gyfwerth.

Darganfyddwch beth yw’r gofynion mynediad lle rydych chi’n byw.

• Egluro gofynion mynediad cyfatebol
• Canfod cwrs lle rydych chi’n byw
• Cyngor ariannu

Prentisiaeth

Mae prentisiaeth gyda chwmni adeiladu yn ffordd dda i mewn i'r diwydiant.

Gallech gwblhau prentisiaeth mewn peirianneg neu ddod yn brentis technegydd gwasanaethau adeiladu, ac yna arbenigo, i ddod yn beiriannydd awyru twnelu.

Mae prentisiaethau ar agor i unrhyw un dros 16 oed. Fel prentis, byddwch yn cael eich cyflogi’n llawn gan eich cwmni a disgwylir i chi weithio o leiaf 30 awr yr wythnos. Bydd eich amser yn cael ei rannu rhwng profiad yn y swydd a choleg neu ddarparwr hyfforddiant.

Darganfyddwch beth yw’r gofynion mynediad lle rydych chi’n byw.

• Canfod prentisiaeth yn eich ardal chi
• Canllaw i brentisiaethau

Gwaith

Os oes gennych brofiad mewn maes perthnasol fel peirianneg fecanyddol, gallech wneud cais yn uniongyrchol i gwmni adeiladu i gael profiad ar y safle fel peiriannydd awyru twnelu. Efallai y byddwch chi'n dechrau fel cynorthwyydd i beiriannydd awyru twnelu mwy profiadol a symud ymlaen wrth i'ch galluoedd wella.

Profiad Gwaith

Mae profiad gwaith yn hanfodol i gael cyflogaeth yn y diwydiant adeiladu. Gallech ennill hwn yn yr ysgol, neu drwy weithio ar benwythnosau a gwyliau gyda chwmni neu berthynas sy’n gweithio fel peiriannydd awyru twnelu. Bydd darpar gyflogwyr bob amser yn falch o weld profiad gwaith wedi'i restru ar eich CV.

• Canfod mwy am brofiad gwaith

Sgiliau

Mae sgiliau ychwanegol a allai fod o fudd i unrhyw un sy’n ystyried swydd fel peiriannydd awyru twnelu yn cynnwys:

• Y gallu i weithio'n dda dan bwysau
• Gwybodaeth am beirianneg, gwyddoniaeth a thechnoleg
• Gwybodaeth am fathemateg a dylunio
• Gwybodaeth am adeiladu ac adeiladwaith
• Hyblyg, â’r gallu i addasu ac yn gydweithredol
• Sgiliau cyfathrebu ysgrifenedig a llafar cryf.

Cymwysterau

Beth mae peiriannydd awyru twnelu yn ei wneud?

Fel peiriannydd awyru twnelu, byddwch yn gyfrifol am ddatblygu a chynnal y cynlluniau o amgylch gosod systemau awyru yn ddiogel. Gallech fod yn gweithio ar amrywiaeth o adeiladau a thwneli tanddaearol, gan gynnwys systemau metro, gorsafoedd rheilffordd, twneli ffordd, twneli cebl, a thwneli prosesu a mwyngloddio.

Mae rôl peiriannydd awyru twnelu yn cynnwys y dyletswyddau canlynol:

• Cynllunio, dylunio a gosod systemau awyru mewn prosiectau twnelu
• Gweithio ar ystod o systemau i sicrhau bod twneli'n ddiogel ac yn addas i'r diben
• Cynllunio a goruchwylio comisiynu, gweithredu, adnewyddu ac uwchraddio seilwaith twneli
• Defnyddio mecaneg hylif, ar gyfer modelu tân ac awyru
• Defnyddio thermodynameg
• Rhoi peirianneg diogelwch tân ar waith
• Cynnal dadansoddiad risg.

Faint allech chi ei ennill fel peiriannydd awyru twnelu?

Mae cyflog disgwyliedig peiriannydd awyru twnelu yn amrywio wrth i chi ddod yn fwy profiadol.

• Gall peirianwyr awyru twnelu sydd newydd eu hyfforddi ennill rhwng £25,000 - £30,000
• Gall peirianwyr awyru twnelu hyfforddedig sydd â rhywfaint o brofiad ennill rhwng £30,000 - £35,000
• Gall uwch beirianwyr awyru twnelu ennill £35,000 - £45,000*
• Mae peirianwyr awyru twnelu hunangyflogedig yn gosod eu cyfraddau cyflog eu hunain.

Mae oriau a chyflog yn dibynnu ar leoliad, cyflogwr ac unrhyw oramser y gallech ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer peirianwyr awyru twnelu:

• Indeed
• Totaljobs

Gan mai gwefannau allanol yw'r rhain, gall nifer y swyddi gwag sy'n gysylltiedig â'ch rôl ddewisol amrywio. Bydd cyfleoedd newydd yn cael eu postio wrth iddynt godi.

Llwybr gyrfa a dilyniant

Fel peiriannydd awyru twnelu, gallech symud ymlaen i fod yn arweinydd tîm neu'n rheolwr.

Gallech hefyd drosglwyddo eich sgiliau i rôl beirianneg berthnasol, fel peiriannydd sifil.