Economegydd

Sut i fod yn economegydd

Mae sawl ffordd o ddod yn economegydd. Gallech gwblhau cwrs prifysgol neu brentisiaeth.

Dylech ymchwilio i’r llwybrau hyn i fod yn economegydd, i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Mae’n debygol y bydd angen gradd mewn economeg neu bwnc cysylltiedig arnoch, fel ystadegau, mathemateg, astudiaethau busnes neu gyllid a chyfrifeg.

Efallai y bydd rhai cyflogwyr yn gofyn i chi feddu ar radd meistr ôl-raddedig mewn economeg. 

Bydd angen y canlynol arnoch:

• 2 - 3 lefel A, neu gyfwerth, gan gynnwys mathemateg neu economeg (gradd israddedig)
• Gradd israddedig mewn pwnc perthnasol (gradd ôl-raddedig). 
  
  
• Eglurhad o'r gofynion mynediad cyfatebol
• Dod o hyd i gwrs prifysgol
• Cyngor am gyllid

Prentisiaeth

Gallech gwblhau gradd-brentisiaeth i fod yn economegydd. Bydd angen i chi gael 4 neu 5 TGAU ar raddau 9 i 4 (A* i C) a lefelau A, neu gymhwyster cyfatebol, i gofrestru.

Mae prentisiaeth yn ffordd dda i ymuno â’r diwydiant adeiladu. Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

• Canllawiau i brentisiaethau

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel cyfrifydd, neu ym maes cyllid. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel economegydd: 

• Dealltwriaeth dda o fathemateg, economeg a chyfrifeg
• Sgiliau meddwl yn ddadansoddol ac yn rhesymegol
• Sylw i fanylion
• Sgiliau cyfathrebu rhagorol ar lafar.

Beth mae economegydd yn ei wneud?

• Casglu gwybodaeth o sawl ffynhonnell. Casglu a dadansoddi nifer fawr o ddata o ffynonellau gan gynnwys ffigurau’r llywodraeth, cyhoeddiadau, ymchwil ar y we ac arolygon y diwydiant.
• Ymchwilio a deall tueddiadau a modelau economaidd
• Defnyddio rhaglenni cyfrifiadurol i ddadansoddi'r data a gasglwyd
• Cyfarfod â chydweithwyr a chleientiaid i rannu gwybodaeth
• Paratoi adroddiadau sy’n egluro effaith economaidd bosibl gwahanol benderfyniadau
• Rhoi cyflwyniadau i gynulleidfaoedd technegol ac annhechnegol
• Paratoi rhagolygon sy’n galluogi sefydliadau i gynllunio’r gwaith o ddyrannu adnoddau
• Rhagweld gofynion y farchnad yn y dyfodol
• Sefydlu gofynion hyfforddi neu fuddsoddi
• Asesu dichonoldeb prosiect arfaethedig
• Gweithio oriau swyddfa safonol, dydd Llun i ddydd Gwener
• Mae’n debygol y bydd adegau pan fydd angen gweithio’n hwyr, yn enwedig mewn rolau uwch.

Faint o gyflog allech chi ei gael fel economegydd?

Mae’r cyflog disgwyliedig i economegydd yn amrywio wrth i chi gael mwy o brofiad.

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer economegwyr: 

• Indeed

Llwybr gyrfa a chamu ymlaen

Fel economegydd, gallech symud ymlaen i rolau ariannol uwch, neu sefydlu eich hun fel ymgynghorydd busnes hunangyflogedig.