Dadansoddwr ynni adnewyddadwy

Sut i fod yn ddadansoddwr ynni adnewyddadwy

Mae sawl ffordd o ddod yn ddadansoddwr ynni adnewyddadwy. Gallech gwblhau cwrs prifysgol neu brentisiaeth, neu wneud cais yn uniongyrchol i gyflogwr. 

Dylech ymchwilio i’r llwybrau hyn i fod yn ddadansoddwr ynni adnewyddadwy i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.  

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu. 

Prifysgol 

I fod yn ddadansoddwr ynni adnewyddadwy, gallech chi gwblhau cwrs prifysgol israddedig neu ôl-raddedig mewn pwnc perthnasol.

Darganfyddwch beth yw'r gofynion mynediad lle rydych chi'n byw.

• Eglurhad o’r gofynion mynediad cyfatebol 
• Dod o hyd i gwrs prifysgol 
• Cyngor am gyllid  

Prentisiaeth 

Gallech chi hyfforddi i fod yn ddadansoddwr ynni adnewyddadwy drwy gwblhau prentisiaeth uwch neu radd-brentisiaeth mewn peirianneg, pensaernïaeth neu dirfesur. 

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant. 

Darganfyddwch beth yw'r gofynion mynediad lle rydych chi'n byw.

• Canllawiau i brentisiaethau  

Gwaith 

Os oes gennych chi brofiad o weithio mewn diwydiant cysylltiedig fel pensaernïaeth, tirfesur neu beirianneg, efallai y gallech chi wneud cais yn uniongyrchol i gyflogwr am swydd fel dadansoddwr ynni adnewyddadwy. 

Profiad gwaith 

Mae profiad gwaith yn hanfodol er mwyn cael gwaith yn y diwydiant. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel dadansoddwr ynni adnewyddadwy. Bydd darpar gyflogwyr bob amser yn falch o’ch gweld yn rhestru profiad gwaith ar eich CV. 

• Dysgwch fwy am brofiad gwaith 

Sgiliau  

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel dadansoddwr ynni adnewyddadwy:  

• Gwybodaeth am ynni adnewyddadwy 
• Galluoedd mathemategol rhagorol 
• Sgiliau meddwl yn rhesymegol ac yn ddadansoddol 
• Sgiliau cyfathrebu rhagorol 
• Y gallu i weithio ar eich liwt eich hun 

Cymwysterau

Beth mae dadansoddwr ynni adnewyddadwy yn ei wneud?

Fel dadansoddwr ynni adnewyddadwy, byddwch yn datblygu datrysiadau ynni cynaliadwy i sicrhau bod ynni’n cael ei ddefnyddio’n fwy effeithlon mewn adeiladau. 

Mae swydd dadansoddwr ynni adnewyddadwy yn cynnwys y dyletswyddau canlynol:  

• Archwilio effeithlonrwydd ffynonellau ynni adnewyddadwy mewn cartrefi a busnesau 
• Defnyddio offer technegol fel foltmedrau a mesuryddion golau 
• Dadansoddi data ar y defnydd o ynni 
• Datblygu modelau ynni ar gyfer adeiladau newydd ac adeiladau presennol 
• Cynghori landlordiaid a pherchnogion eiddo ar ffyrdd o wella effeithlonrwydd ynni adnewyddadwy. 
• Darparu cymorth technegol i gontractwyr cyn ac yn ystod y gwaith gosod 
• Cysylltu â chontractwyr, peirianwyr, cleientiaid ac arianwyr 
• Cyfleu manteision ynni adnewyddadwy 
• Defnyddio mesurau arbed ynni. 

Faint o gyflog allech chi ei gael fel dadansoddwr ynni adnewyddadwy?

Mae’r cyflog disgwyliedig i ddadansoddwr ynni adnewyddadwy yn amrywio wrth i chi gael mwy o brofiad. 

• Gall dadansoddwyr ynni adnewyddadwy sydd newydd gael eu hyfforddi ennill oddeutu £25,000 
• Gall dadansoddwyr ynni adnewyddadwy profiadol ennill hyd at £80,000.* 
• Dadansoddwyr ynni adnewyddadwy hunangyflogedig sy’n gosod eu cyfraddau cyflog eu hunain. 

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud. 

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer dadansoddwyr ynni adnewyddadwy  

• Indeed

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi. 

Llwybr gyrfa a chamu ymlaen

Fel dadansoddwr ynni adnewyddadwy, gallech symud ymlaen i rôl fel peiriannydd ynni neu arbenigo mewn math penodol o ymgynghori ar ynni adnewyddadwy. 

Gallech chi fynd yn hunangyflogedig a gweithio fel ymgynghorydd ynni adnewyddadwy.