Arolygydd safle

Sut i fod yn arolygydd safle

Mae sawl ffordd o ddod yn arolygydd safle. Gallwch ennill y cymwysterau sydd eu hangen arnoch drwy ddilyn cwrs prifysgol neu goleg, prentisiaeth, neu hyfforddiant yn y gwaith. Dylech chi ymchwilio i’r opsiynau i weld pa un yw’r un iawn i chi. Fel arfer, bydd gan arolygydd safle rhai blynyddoedd o brofiad yn y diwydiant adeiladu. 

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Gallech gwblhau gradd mewn pwnc perthnasol.

Darganfyddwch beth yw'r gofynion mynediad lle rydych chi'n byw.

Efallai y bydd ymgeiswyr â chymwysterau perthnasol eraill i’r diwydiant yn cael eu hystyried, er enghraifft: 

• IOSH - Gweithio’n Ddiogel
• IOSH - Rheoli’n Ddiogel
• Cyrsiau hyfforddiant Site Safety Plus CITB
  
  

• Eglurhad o'r gofynion mynediad cyfatebol
• Dod o hyd i gwrs prifysgol
• Cyngor am gyllid

Coleg/darparwyr hyfforddiant

Os ydych chi’n gweithio ar safle neu os oes gennych brofiad ym maes adeiladu, gallech ddilyn cwrs coleg fel Diploma Lefel 3 mewn Astudiaethau Goruchwylio Safleoedd Adeiladu, Diploma Lefel 4 mewn Goruchwylio Safleoedd Adeiladu neu Ddiploma Lefel 4 mewn Rheoli Safleoedd Adeiladu.

Darganfyddwch beth yw'r gofynion mynediad lle rydych chi'n byw.

• Eglurhad o'r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

Mae prentisiaeth gyda chwmni adeiladu’n ffordd dda i ymuno â’r diwydiant. Os oes gennych chi rywfaint o brofiad yn y diwydiant adeiladu, gallwch ddechrau drwy ddilyn prentisiaeth uwch fel goruchwyliwr safle adeiladu. Gall hyn gymryd hyd at dair blynedd i’w gwblhau.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

Darganfyddwch beth yw'r gofynion mynediad lle rydych chi'n byw.

• Canllaw i brentisiaethau

Gwaith

Os ydych chi eisoes wedi gweithio mewn rolau cefnogol mewn timau prosiect, a bod gennych brofiad neu gymwysterau rheoli amlwg, efallai y gallwch wneud cais yn uniongyrchol am rôl fel arolygydd safle.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel arolygydd safle. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel arolygydd safle: 

• Llygad craff am fanylion a dull rhesymegol o archwilio safle
• Sgiliau rheoli prosiectau
• Sgiliau trefnu da
• Gallu ymdopi â gweithio mewn mannau uchel.

Cymwysterau

Beth mae arolygydd safle yn ei wneud?

Fel arolygydd safle, gallech chi fod yn: 

• Cynnal archwiliadau rheolaidd o safleoedd adeiladu
• Cysylltu â gwahanol adrannau
• Monitro'r broses adeiladu gyfan
• Diogelu ansawdd y gwaith
• Sicrhau y glynir wrth gynlluniau arfaethedig
• Trefnu cyfarfodydd
• Rhagweld problemau posibl
• Sicrhau y glynir wrth ddeddfwriaeth.

Faint o gyflog allech chi ei gael fel arolygydd safle?

Mae’r cyflog disgwyliedig i arolygydd safle yn amrywio wrth i chi gael mwy o brofiad.

• Gall arolygwyr safle sydd newydd gael eu hyfforddi ennill £25,000 - £30,000
• Gall arolygwyr safle gyda pheth brofiad ennill £30,000 - £40,000
• Gall uwch arolygwyr safle ennill £40,000 - £50,000.*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer arolygwyr safle: 

• Indeed

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel arolygydd safle, gallech symud ymlaen yn eich gyrfa i fod yn rheolwr contractau, yn rheolwr cydymffurfiaeth neu'n gyfarwyddwr adeiladu.