Yr Un Creadigol

Does dim pen draw ar greadigrwydd

Boed yn stadiwm newydd, pont newydd sbon neu’n ychwanegiad cyffrous i stad dai; mae angen dylunio pob prosiect adeiladu a dyna’n union pam fod y rhai creadigol yma.

Mae’r rhai creadigol yn cyfuno gallu artistig ag agwedd fathemategol a methodolegol. Maen nhw wedi hen arfer defnyddio technoleg i ddylunio ac maen nhw’n defnyddio eu gallu gweledol i gael prosiectau ar eu traed.

Yn aml, mae Rhai Creadigol yn:
Creu brasluniau, cynlluniau adeiladu ac yn gwneud cyfrifiadau
Gweithio’n agos gyda thimau pensaernïol a dylunio
Dilyn y datblygiadau meddalwedd ym maes dylunio
Cyflwyno ac esbonio nodweddion gweledol i gydweithwyr a chleientiaid
Meddu ar agwedd drefnus a methodolegol at waith

Dywedwch wrth eich ffrindiau eich bod yn Un Creadigol

Llwythwch y bathodyn i lawr a’i rannu:

Facebook (JPEG, 241KB)
Instagram (JPEG, 636KB)
Twitter (JPEG, 153KB)

Dydy pobl greadigol ddim yn gweld pethau am yr hyn ydyn nhw yn unig; maen nhw’n eu gweld nhw am yr hyn y gallen nhw fod.”

- Julie Israel

Roles

Gweithredwr cloddiwr 360

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae gweithredwr cloddiwr 360 yn rheoli peiriant cloddio mawr sy’n eistedd ar sail sy’n cylchdroi, sy’n eu galluogi i godi symiau mawr o bridd neu ddeunyddiau eraill, a’u symud i unrhyw le o fewn radiws y cerbyd. Mae gweithredwyr cloddwyr 360 yn defnyddio’r peiriannau hyn i glirio tir ar gyfer datblygiadau newydd fel tai neu ffyrdd a gallent hefyd gloddio sylfeini.
Delweddwr 3D

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae delweddwyr 3D yn dod â syniadau penseiri’n fyw, gan gymryd cynlluniau, darluniau pensaernïol a deunyddiau cyfeirio eraill a defnyddio’r rhain i gynhyrchu delweddau 3D realistig o adeiladau a datblygiadau arfaethedig. Fel delweddwr 3D, bydd angen i chi gael meddwl creadigol a thechnegol, er mwyn modelu adeiladau arfaethedig a fydd yn gweithio’n dda ac yn edrych yn dda.
Pensaer

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae penseiri yn llunio ein hamgylchedd yn greadigol trwy ddylunio'r adeiladau a'r gofodau o'n cwmpas. Maent yn dod â strwythurau newydd yn fyw ac yn adfer neu'n adnewyddu'r rhai presennol. Mae penseiri yn cydweithredu ag eraill i sicrhau bod dyluniadau'n addas at y diben ac yn ddiogel, p'un a ydynt yn gweithio ar adeiladau unigol neu ddatblygiadau mawr.
Technegydd pensaernïol

Mae cyflogau oddeutu £48,000.00. Bydd cyflogau yn amrywio yn dibynnu ar leoliad/cyflogwr

Mae technegwyr pensaernïol yn arbenigo mewn cyflwyno dyluniadau adeiladu gan ddefnyddio technoleg. Maen nhw’n rhoi arweiniad technegol i gleientiaid ac yn cysylltu â thimau dylunio adeiladu i ddod â strwythurau newydd yn fyw. Fel technegydd pensaernïol, byddech yn gweithio gyda phenseiri i helpu i ddatblygu modelau adeiladu, cyn i’r gwaith adeiladu ddechrau.
Rheolwr dylunio

Mae cyflogau oddeutu £90,000.00. Bydd cyflogau yn amrywio yn dibynnu ar leoliad/cyflogwr

Mae rheolwyr dylunio yn cydlynu'r holl waith dylunio sydd eu hangen yn ystod prosiectau adeiladu. Maent yn rheoli'r gwaith o gynhyrchu lluniadau technegol a chynlluniau a ddefnyddir i adeiladu strwythur. Mae rheolwyr dylunio yn dod â phenseiri, peirianwyr strwythurol a gwasanaeth, dylunwyr arbenigol a thechnegwyr BIM ynghyd i greu dyluniadau cydlynol y gellir eu defnyddio yn ystod y gwaith adeiladu ac i helpu i gynnal a chadw’r strwythur ar ôl ei gwblhau.
Dylunydd mewnol

Mae cyflogau oddeutu £45,000.00. Bydd cyflogau yn amrywio yn dibynnu ar leoliad/cyflogwr

Mae dylunwyr mewnol yn gweithio gyda chleientiaid i greu mannau dan do sy’n ymarferol ac yn ddeniadol. Maent yn helpu i gynllunio cynllun ac addurn y tu mewn i adeiladau, a gallant weithio gyda chontractwyr i ddod â’u dyluniadau’n fyw.
Peintiwr ac addurnwr

Mae cyflogau oddeutu £50,000.00. Bydd cyflogau yn amrywio yn dibynnu ar leoliad/cyflogwr

Mae paentwyr ac addurnwyr yn dod â lleoedd bob dydd yn fyw. Maent yn paratoi ac yn gosod paent, papur wal a gorffeniadau eraill ar arwynebau, dan do ac yn yr awyr agored. Fel paentiwr ac addurnwr, byddai galw mawr am eich gwasanaeth. Gallech chwarae rhan allweddol yn y gwaith o drawsnewid prosiectau preswyl, masnachol a diwydiannol, neu gallech arbenigo mewn gwaith adnewyddu neu gynnal adeiladau treftadaeth.
Saer maen

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae seiri maen yn creu eitemau ymarferol neu hardd (neu'r ddau yn aml) o garreg a all bara am ganrifoedd.
Modelwr trafnidiaeth

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae modelwyr trafnidiaeth yn defnyddio meddalwedd cyfrifiadurol arbenigol i ddylunio a datblygu llwybrau trafnidiaeth. Fel modelydd trafnidiaeth, gallech ddylunio sut mae gosodiadau ffyrdd newydd yn cysylltu â systemau trafnidiaeth presennol. Gallech fod yn dylunio systemau unffordd neu wyriadau, tra bod ffyrdd eraill yn cael eu hatgyweirio, neu’n cynllunio systemau trafnidiaeth cyn digwyddiadau mawr, fel gwyliau neu brotestiadau.

Yr Un Creadigol

Does dim pen draw ar greadigrwydd

Yn aml, mae Rhai Creadigol yn:

Dywedwch wrth eich ffrindiau eich bod yn Un Creadigol

Roles

Gweithredwr cloddiwr 360

Delweddwr 3D

Pensaer

Technegydd pensaernïol

Rheolwr dylunio

Dylunydd mewnol

Peintiwr ac addurnwr

Saer maen

Modelwr trafnidiaeth

Oes gennych chi 2 funud i ateb rhai cwestiynau am eich ymweliad heddiw?