Y Dadansoddwr

Da gyda rhifau

Mae bron pob prosiect adeiladu’n dibynnu ar ddata. Gyda hynny mewn golwg, mae angen pobl sy’n dda gyda rhifau ar y diwydiant adeiladu a does neb yn deall rhifau yn well na dadansoddwyr.

Nid yn unig y mae dadansoddwyr yn dda gyda rhifau, a hefyd yn gallu casglu data a’i ddadansoddi i argymell y camau gorau i’w cymryd mewn unrhyw sefyllfa. Mae eu sylw i fanylion yn golygu nad ydynt byth yn methu unrhyw beth.

Yn aml, mae dadansoddwyr yn:                Mesur a chasglu data penodol
Darparu adroddiadau
Gweithio ar y safle ac mewn swyddfa
Cynnal arolygon eiddo ar y safle
Cynnig cyngor mewn perthynas â materion cyfreithiol
Sylwgar iawn

Dywedwch wrth eich ffrindiau eich bod yn Ddadansoddwr

Llwythwch y bathodyn i lawr a’i rannu:

Facebook (JPEG, 237KB)
Instagram (JPEG, 695KB)
Twitter (JPEG, 149KB)

Mae pob diwylliant wedi cyfrannu at fathemateg yn union fel y maen nhw wedi cyfrannu at lenyddiaeth. Mae’n iaith fyd-eang; mae rhifau’n eiddo i bawb.”

Daniel Tammet

Roles

Gweithredwr cloddiwr 360

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae gweithredwr cloddiwr 360 yn rheoli peiriant cloddio mawr sy’n eistedd ar sail sy’n cylchdroi, sy’n eu galluogi i godi symiau mawr o bridd neu ddeunyddiau eraill, a’u symud i unrhyw le o fewn radiws y cerbyd. Mae gweithredwyr cloddwyr 360 yn defnyddio’r peiriannau hyn i glirio tir ar gyfer datblygiadau newydd fel tai neu ffyrdd a gallent hefyd gloddio sylfeini.
Cyfrifydd

Mae cyflogau oddeutu £55,000.00. Bydd cyflogau yn amrywio yn dibynnu ar leoliad/cyflogwr

Mae staff cyfrifeg a chyllid yn cadw golwg ar yr arian sy'n dod i mewn ac yn mynd allan o fusnes. Fel cyfrifydd, gallech fod yn paratoi cofnodion ariannol er mwyn eu cyflwyno a’u harchwilio, a goruchwylio cyflwyniadau treth a TAW, a chyflogau. Mae llawer o gyfrifwyr yn gweithio ar draws ystod o wahanol ddiwydiannau, ac mae eraill yn arbenigo mewn sector penodol.
Cynorthwyydd Cyfrifon

Mae cyflogau oddeutu £25,000.00. Bydd cyflogau yn amrywio yn dibynnu ar leoliad/cyflogwr

Mae cynorthwywyr cyfrifon yn helpu i gadw golwg ar yr arian sy’n dod i mewn ac yn mynd allan o fusnes. Fel cynorthwyydd cyfrifon, byddech chi’n darparu cymorth cyfrifyddu a gweinyddol i staff cyfrifyddu a chyllid er mwyn sicrhau bod cyfrifon cwsmeriaid a chyflenwyr yn gywir; derbyn, prosesu a ffeilio gwaith papur; a rheoli trafodion arian mân.
Syrfëwr asbestos

Mae cyflogau oddeutu £70,000.00. Bydd cyflogau yn amrywio yn dibynnu ar leoliad/cyflogwr

Mae syrfewyr asbestos yn archwilio adeiladau ac yn casglu samplau i weld a oes asbestos yno. Mae asbestos yn ffibr wedi’i greu o fwynau a oedd yn arfer cael ei ddefnyddio’n helaeth ar gyfer ei inswleiddio, ond mae bellach wedi’i wahardd oherwydd risgiau iechyd. Bydd syrfewyr asbestos yn cynnal profion ac efallai y byddant yn argymell cael pobl broffesiynol i dynnu deunyddiau peryglus cyn gwneud gwaith adnewyddu neu ddymchwel.
Rheolwr bidio

Mae cyflogau oddeutu £70,000.00. Bydd cyflogau yn amrywio yn dibynnu ar leoliad/cyflogwr

Mae rheolwr bidio yn gyfrifol am baratoi ac ysgrifennu’r dogfennau masnachol manwl, megis holiaduron cyn-gymhwyso (PGQs) a thendrau, y mae cwmnïau'n eu cyflwyno i ennill contractau newydd. Mae'n swydd bwysig iawn o fewn sefydliad gan fod angen sgiliau trefnu rhagorol ac mae'n hanfodol i gwmnïau ennill contractau newydd.
Clerc gwaith

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae clerc gwaith yn arolygu crefftwaith, ansawdd a diogelwch gwaith ar safleoedd adeiladu ac yn adrodd am hynny i uwch reolwyr a chleientiaid. Fel clerc gwaith, byddech yn cynnal archwiliadau rheolaidd o safleoedd ac yn gwirio bod cynlluniau adeiladu yn cael eu dilyn yn gywir. Byddech yn gwirio bod gwaith yn cael ei gyflawni yn unol â'r manylebau cywir a’r safonau cyfreithiol, diogelwch ac amgylcheddol.
Rheolwr dogfennau

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae rheolydd dogfennau yn cynnal dogfennau prosiectau. Maent yn sicrhau fod y wybodaeth gywir yn cael ei dosbarthu drwy’r sefydliad, yn brydlon, i’r bobl sydd ei angen. Yn y diwydiant adeiladu, mae rheolyddion dogfennau yn gweithio â dogfennau technegol megis glasbrintiau ac adroddiadau. Maent yn trefnu ac yn storio dogfennau electronig a chopïau caled ar gyfer dylunwyr, syrfewyr, penseiri a chydweithwyr eraill.
Economegydd

Mae cyflogau oddeutu £85,000.00. Bydd cyflogau yn amrywio yn dibynnu ar leoliad/cyflogwr

Mae economegwyr yn astudio data ac ystadegau cymhleth ac yn defnyddio eu canfyddiadau i roi cyngor ariannol i fusnesau. Fel economegydd, byddech yn ymchwilio i dueddiadau economaidd ac yn eu monitro, ac yn creu modelau ystadegol i ragweld datblygiadau yn y dyfodol. Mae cyflogwyr yn dibynnu ar economegwyr i’w cynghori ynghylch effaith bosibl polisïau a buddsoddiadau.
Amcangyfrifwr

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae amcangyfrifwyr yn cyfrifo faint fydd cost prosiectau adeiladu, gan ystyried gofynion llafur, deunyddiau ac offer. Byddant yn trafod gyda chyflenwyr ac yn cael dyfynbrisiau gan isgontractwyr ac yn defnyddio’r wybodaeth hon i lunio cynigion cost manwl ar ran cleient.
Peiriannydd geo-dechnegol

Mae cyflogau oddeutu £30,000.00. Bydd cyflogau yn amrywio yn dibynnu ar leoliad/cyflogwr

Mae gan beiriannydd geo-dechnegol rôl bwysig yn y gwaith o ddadansoddi pridd, creigiau, dŵr daear a deunyddiau pridd eraill cyn prosiectau adeiladu mawr. Gall y dadansoddiad hwn helpu i benderfynu pa ddeunyddiau y mae’n rhaid eu defnyddio yn nyluniad cyffredinol neu sylfaen y strwythur, neu a oes angen mesurau ychwanegol i sicrhau bod y prosiect yn ddiogel.
Ymgynghorydd Treftadaeth

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Swydd ymgynghorydd treftadaeth yw rheoli prosiectau adeiladu ac adfer ar safleoedd treftadaeth, fel adeiladau hanesyddol neu restredig, tirweddau, amgueddfeydd ac eiddo eraill, drwy roi arweiniad ar faterion treftadaeth a llunio strategaethau i’w rheoli.
Syrfëwr Hydrograffig

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae syrfewyr hydrograffig yn defnyddio technoleg o’r radd flaenaf i gynhyrchu cynlluniau manwl o wely’r môr, harbyrau a dyfrffyrdd. Maent yn mesur ac yn mapio arwynebau tanddwr ac yn astudio gwneuthuriad gwely’r môr, gan ddangos dyfnder, siâp a chyfuchliniau. Maent yn arbenigo mewn lleoli, caffael a phrosesu data’n fanwl gywir mewn amgylcheddau morol ar y tir neu’r môr.
Prisiwr tir ac eiddo

Mae cyflogau oddeutu £45,000.00. Bydd cyflogau yn amrywio yn dibynnu ar leoliad/cyflogwr

Mae priswyr tir ac eiddo yn rhoi cyngor proffesiynol i unigolion a busnesau sy’n prynu, gwerthu a rhentu tir ac eiddo. Maent yn amcangyfrif gwerth tir, adeiladau ac eiddo tirol ar y farchnad, er mwyn helpu eu cleientiaid i wneud yr elw mwyaf o gytundeb gwerthu neu rentu.
Prynwr tir

Mae cyflogau oddeutu £50,000.00. Bydd cyflogau yn amrywio yn dibynnu ar leoliad/cyflogwr

Mae prynwr tir yn gyfrifol am helpu busnesau ac unigolion i brynu tir sy’n addas ar gyfer adeiladu. Fel prynwr tir, byddwch yn dod o hyd i safleoedd addas ar gyfer prosiectau adeiladu, yn penderfynu a oes angen caniatâd cynllunio ac yn canfod a fydd unrhyw gyfyngiadau o ran yr hyn y gellir ei adeiladu.
Gweithiwr drilio tir

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae gweithiwr drilio tir yn gyfrifol am ymchwilio i dir cyn drilio i mewn iddo, er mwyn gosod strwythurau fel twneli neu ffynhonnau ar gyfer nwy neu olew. Fel gweithiwr drilio tir, byddwch chi’n gweithio’n agos gyda syrfewyr, daearegwyr a gwyddonwyr daearegol, ac yn monitro’r cynnydd o ran drilio, goruchwylio’r gwaith o reoli diogelwch a sicrhau bod yr amgylchedd o’i gwmpas yn cael ei ddiogelu.
Arolygydd peiriannau

Mae cyflogau oddeutu £45,000.00. Bydd cyflogau yn amrywio yn dibynnu ar leoliad/cyflogwr

Mae arolygydd peiriannau’n gyfrifol am oruchwylio a chydlynu’r gweithgareddau cyfrifyddu ac ariannol sy’n ymwneud â pheiriannau ffatri. Fel arolygydd peiriannau, byddwch yn dadansoddi data i asesu perfformiad y peiriannau, ac yn cyflwyno eich canfyddiadau i uwch reolwyr.
Rheolwr sicrhau ansawdd

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Gwaith rheolwr sicrhau ansawdd yw sicrhau bod holl wasanaethau a gweithgareddau cwmni yn cyrraedd ac yn cynnal safonau a osodwyd. Fel rheolwr sicrhau ansawdd, byddwch yn cynnal archwiliadau ac yn cadw cofnodion manwl fel tystiolaeth bod y gwaith o’r ansawdd gorau posibl.
Arolygydd safle

Mae cyflogau oddeutu £50,000.00. Bydd cyflogau yn amrywio yn dibynnu ar leoliad/cyflogwr

Mae arolygwyr safle’n monitro’r holl waith sy’n cael ei wneud ar safle adeiladu i sicrhau bod safonau diogelwch ac ansawdd yn cael eu cynnal. Maent yn gwneud yn siŵr bod cynlluniau adeiladu a manylebau yn cael eu dilyn yn gywir, ac maent yn rheoli staff ac isgontractwyr ar safleoedd adeiladu. Maent hefyd yn mynd i gyfarfodydd rheoli safle ac yn helpu rheolwyr prosiect i gynllunio gwaith.
Syrfëwr triniaethau adfer

Mae cyflogau oddeutu £30,000.00. Bydd cyflogau yn amrywio yn dibynnu ar leoliad/cyflogwr

Mae syrfewyr triniaethau adfer yn archwilio eiddo am ddiffygion. Maen nhw’n ymweld â safleoedd i bennu lefel unrhyw ddifrod ac yn rhoi cyngor ar y ffordd orau o’i drwsio. Maen nhw’n cwblhau adroddiadau manwl, manylebau ac arolygon adeiladau; yn nodi diffygion ac yn cynghori ar opsiynau atgyweirio, cynnal a chadw ac adfer.

Y Dadansoddwr

Da gyda rhifau

Yn aml, mae dadansoddwyr yn:

Dywedwch wrth eich ffrindiau eich bod yn Ddadansoddwr

Roles

Gweithredwr cloddiwr 360

Cyfrifydd

Cynorthwyydd Cyfrifon

Syrfëwr asbestos

Rheolwr bidio

Clerc gwaith

Rheolwr dogfennau

Economegydd

Amcangyfrifwr

Peiriannydd geo-dechnegol

Ymgynghorydd Treftadaeth

Syrfëwr Hydrograffig

Prisiwr tir ac eiddo

Prynwr tir

Gweithiwr drilio tir

Arolygydd peiriannau

Rheolwr sicrhau ansawdd

Arolygydd safle

Syrfëwr triniaethau adfer

Oes gennych chi 2 funud i ateb rhai cwestiynau am eich ymweliad heddiw?